Izenak adierazten duen urtean sortu zen Inelco 2001 SL enpresa, eta bi hamarkadako esperientzia du behe-tentsioko instalazio elektrikoen sektorean.
Hasieran, Getxon izan genuen egoitza soziala, baina hainbat aldiz aldatu dugu instalazio berrietara, hazten eta sendotzen joan garen heinean. Gaur egun, 800 m2-tik gorako instalazioak ditugu Zamudion.
Ingeniaritzako eta mantentze-lanetako berariazko departamentuak ditugu, baita koadroak muntatzeko gure lantegia ere. Ziurtagiri hauek ditugu:
Eusko Jaurlaritzaren enpresa-sailkapenak:
| Obrak | Zerbitzuak |
| I 01 E / I 05 C / I 06 E / I 07 D / I 09 E | P 01 4 |
Hasieratik, kalitatezko zerbitzua eta prezio lehiakorra uztartzea izan da gure estrategiaren ardatza. Horretarako, egunero ahalegintzen gara giza baliabideen eta baliabide materialen kudeaketa optimizatzen, merkatuko erosketa-preziorik onenak negoziatzen, eta entrega- eta gauzatze-epeak minimizatzen, bermerik onenei uko egin gabe.
Horri guztiari esker, gure bezeroen konfiantza etengabeaz gozatzen dugu, eta gure hazkunde-bideari jarraitzen diogu, etorkizunari baikortasunez heltzeko.
